Os amantes do baloncesto sofren cando chegan os meses de verán e toca deixar atrás as semanas de adestramentos e de partidos. Así, xuño convértese nun mes de sesións aproveitables para mellorar o aprendido en toda a tempada e despedirse ata a seguinte. Ou quizais sexa o caso de que se quere empezar de cero neste deporte, teña a idade que teña, e quere probar como serían os adestramentos.

Por iso, o Rio Natura Monbus Obradoiro organiza desde mañá mesmo e ata o próximo 16 de xuño xornadas de portas abertas nas que calquera neno poderá acudir aos adestramentos das categorías base do club e probar como sería o seu novo equipo e se lle gustaría xogar no Obradoiro.

Todos aqueles interesados poden consultar os horarios e pavillóns de adestramento e poderán acudir segundo a idade que teñan:

-Junior (nacidos entre 1999 e 2000):

          *Luns, de 19:00 a 20:30 horas, Pavillón de Pontepedriña
          *Mércores, de 18:00 a 19:00 horas, Pavillón de Santa Isabel

-Cadete (nacidos entre 2001 e 2002):

          * Luns, de 19:00 a 20:30 horas, Pavillón de Pontepedriña
          *Mércores, de 18:00 a 19:00 horas, Pavillón de Santa Isabel

-Infantil (nacidos entre 2003 e 2004)

          *Xoves, de 18:30 a 19:45 horas, Pavillón de Lorenzo da Torre

-Minibasket (nacidos entre 2005 e 2006)

          *Martes e Xoves, de 17:30 a 19:00 horas, Pavillón do Restollal

-Preminibasket (nacidos entre 2007 e 2008)

          *Martes e Xoves, de 17:30 a 19:00 horas, Pavillón do Restollal

-Babybasket (nacidos entre 2009 e 2012)

          *Martes e Xoves, de 17:30 a 19:00 horas, Pavillón do Restollal

Para máis información: 637 313 709 ou Este enderezo de correo está a ser protexido dos robots de correo lixo. Precisa activar o JavaScript para velo.