O Cenor – Obradoiro CAB recibía no pavillón Lorenzo de la Torre a un duro EDM A Estrada que competiría ata o último instante por levarse a vitoria, quedándose ás portas gracias a un triple sobre a bucina do xogador local Iago Rey para levar o partido ao tempo extra.

Os locais comezaron o encontro cun gran nivel defensivo, permitindo anotar aos visitantes únicamente por varios despistes na súa defensa de 1x1, pero non lograban de encontrar un bo ritmo de xogo nestes minutos iniciais.

No segundo cuarto os obradoiristas foron pouco a pouco atopando máis situacións de campo aberto, o que lles permitía subir o seu nivel de anotación e irse ao descanso sete puntos por riba no marcador.

A volta de vestiarios, os locais non volveron a ser capaces de dominar o ritmo do encontro, tirando continuamente de acción individuais e de corazón para tratar de manterse no partido. Pasaban os minutos e o gran acerto exterior dos estradenses parecía que lles ía levar á vitoria pero, nese momento, un último lanzamento de tres dos obradoiristas permitiulles levar o encontro ao tempo extra. Nestes últimos cinco minutos a igualdade mantívose de novo ata a última posesión que os locais foron capaces de defender para alcanzar un novo triunfo nesta segunda fase.

Os marcadores por cuartos foron: 14-16, 20-11, 12-17, 11-13, 7-6.

A próxima semana o Cenor – Obradoiro CAB visitará o campo do Instituto Rosalía, o próximo domingo as 19:00 horas.