Os obradoiristas acadaron a 15º vitoria consecutiva, a última na final da Copa Federación contra o Basquet Coruña (58-31).

Os santiagueses amosaron terlle collida a medida aos coruñeses, ós que se impuxeron nos cinco encontros que xogaron nesta tempada.

Tras uns intres iniciais de imprecisión de ámbolos dous equipos, os obradoiristas acadaban as primeiras vantaxes no marcador (17-7 de parcial no primeiro cuarto).

O conxunto herculino plantexou romperlle o ritmo aos obradoiristas cunha defensa zonal 1-3-1 pechada durante moitos minutos do encontro, pero sen éxito (13-8 de parcial no segundo cuarto).

Lonxe de facelo seu mellor encontro, e con numerosas perdas de balón, aos obradoiristas bastoulles impoñer a súa maior calidade individual e o seu xogo colectivo en ámbolos dous lados da pista para mantela vantaxe (15-13 no terceiro cuarto).

Cunha defensa agresiva que os caracterizou durante todo o ano, e con tódolos xogadores aportando e amosando a progresión ao longo da vantaxe cun parcial de 13-3 no derradeiro período, facéndose coa Copa Federación con merecemento.

Os parciais foron 17-7, 13-8, 15-13 e 13-3.